Қазір компанияда қордаланған және үлестірілмеген 23,3 миллиард табыс бар. Оның 17,5 миллиард теңгесі Нұрәли Әлиевке тиесілі. Қалғанын «ҚТЖ» ала алады. 2022 жылмен салыстырғанда «Транстелекомның» активтері 30 миллиард теңгеге азайып, қазір 190 миллиард теңгенің төңірегіне тұрақтады.
Тақырыпқа орай: ЕБИТДА-сы 8 миллиард. «АТБ Банк» НЕГЕ Назарбаевтың ең мықты инвестициясына айналды?
«Форбс» есебінше, Нұрәли Әлиевтің дәулеті 220 миллион долларға бағаланады. Оның ең маңызды активі осы – «Транстелеком». Одан бөлек, «Capital Holding» пен «Darmen Holding» фирмаларында қомақты үлесі бар. Сонымен бірге, Нұрсұлтан Назарбаевтың жиені Дубайда Donatello Hotels and Resorts қонақүйіне, Алматы мен Астанадағы бірнеше мейрамханаларға иелік етеді.
Кезінде Астана әкімінің орынбасары ретінде Нұрәли Әлиев LRT жобасын бекітуге қатысқан болатын. Артынан, осы іске қатысты ұсталып, кейін сотталғандар оның да жауапқа тартылуын талап еткен еді.
«Жаңа Қазақстанның» сілтеген қамшысы бұл жолы Әлиевке тие қоймады. Бірақ «Транстелеком» дағдарыстан шығып, ақшасы молая түссе, Нұрәли Рахатұлына қосымша сұрақтар туындай бастайтынын іштей сеземіз. Өйткені жақында «ҚТЖ»-ның бұрынғы басшысы Ерлан Атамқұлов сқхбат беріп, «Транстелекомға» қатысты біраз құпияның бетін ашқан болатын.