2026 жылғы футболдан әлем чемпионатында Нидерланд құрамасы Швецияны ірі есеппен жеңіп, топ көшбасына шықты, деп хабарлайды Qandastar.kz сайты.
F тобындағы екінші тур кездесуі АҚШ-тың Хьюстон қаласындағы «Эн-Эр-Джи Стэдиум» аренасында өтіп, нидерландтықтардың 5:1 есебіндегі жеңісімен аяқталды.
Нидерланд құрамасының шабуылшылары Брайан Бробби мен Коди Гакпо дубль авторы атанды. Бробби 5 және 17-минуттарда мергендік танытса, Гакпо 47 және 54-минуттарда қарсылас қақпасын дәл көздеді. Кездесудегі бесінші голды Крисенсио Саммервилл 89-минутта соқты.
Швеция сапынан жалғыз голды Энтони Эланга 59-минутта енгізді.
Бұл жеңістің арқасында Нидерланд құрамасы төрт ұпай жинап, F тобында бірінші орынға көтерілді. Ал үш ұпайы бар Швеция екінші сатыда қалды.
Топтағы қалған құрамалар – Жапония мен Тунис. Қазіргі таңда Жапонияның еншісінде бір ұпай болса, Тунис әлі ұпай ала алған жоқ.
Еске салсақ, әлем чемпионатының плей-офф кезеңіне әр топтан үздік екі команда тікелей жолдама алады. Сонымен қатар топтарда үшінші орын алған құрамалардың арасынан ең жақсы нәтиже көрсеткен сегіз команда да 1/16 финалға шығады.
[embed]https://youtu.be/Or_0RyzEE0c?si=SY7ppQ_nwxyBW6Ib[/embed]