Өскеменде 70 жастағы әйел екінші қабаттағы терезеден құлап, түрлі жарақат алды. Бұл туралы «Астана» арнасы хабарлады, дейді Qandastrar.kz.
Оқиғадан кейін зейнеткер жедел түрде ауруханаға жеткізілген. Полиция бұл ақпаратты растады.
Шығыс Қазақстан облысының полиция департаменті аталған факті бойынша қылмыстық іс қозғалғанын мәлімдеді. Қазір сотқа дейінгі тергеу жүргізіліп, оқиғаның барлық мән-жайы анықталып жатыр.