Павлодар облысында «Қазавиақұтқару» мекемесіне тиесілі Ми-8 АМТ тікұшағы шұғыл қону жасады, деп хабарлайды qandastar.kz порталы.
Бұл туралы құзырлы органдар хабарлады.
Алдын ала мәлімет бойынша, әуе кемесі жоғалған адамды іздеу-құтқару жұмыстарына тартылған.
Іздестіру шаралары барысында балық аулау кезінде жол-көлік оқиғасынан аяғынан жарақат алған азамат табылып, оған қажетті медициналық көмек көрсетілген.
Дәрігерлердің мәліметінше, оның өміріне қауіп төніп тұрған жоқ.
Тікұшақ бортында барлығы 13 адам болған, оның ішінде 5 экипаж мүшесі мен 8 жолаушы бар.
Оқиға салдарынан қаза тапқандар мен зардап шеккендер тіркелмеген.
Қазіргі уақытта шұғыл қонуға не себеп болғаны анықталып жатыр.