Павлодар қаласында прокуратура мен полиция қызметкерлері интернет-алаяқтық схемаларында пайдаланылған арнайы техникалық жабдықты анықтады.
Заңсыз құрылғы «Айқын Нәтиже» іс-шаралар жоспары аясында жүргізілген тексеру кезінде табылған, деп хабарлайды
порталы.
Ведомство мәліметінше, көпқабатты үйлердің бірін аралау барысында тұрғынның үйінен 128 слоттық симбокс құрылғысы, «Tele2» және «Алтел» операторларының 115 SIM-картасы, екі роутер және 32 ұялы телефон тәркіленген.
Тергеу мәліметіне сәйкес, аталған құрылғылар мобильді құрылғылардың сәйкестендіру кодтарын алмастыру және алаяқтық әрекеттерде қолданылуы мүмкін.
Аталған факт бойынша ҚР ҚК-нің 213-бабы 2-бөлігі бойынша сотқа дейінгі тергеп-тексеру басталды
Қазіргі уақытта іс бойынша барлық мән-жай мен ықтимал сыбайластарды анықтау бағытында кешенді тергеу амалдары жүргізіліп жатыр.
Күдіктіге қатысты үйқамақ түріндегі бұлтартпау шарасы таңдалған.