Абай облысының Семей қаласындағы Қарағайлы шағынауданында тоғыз қабатты тұрғын үйдің бірінші қабатындағы балконнан өрт шықты. ТЖМ құтқарушылары өртті сөндіріп, оқиға салдарынан зардап шеккендер болмағанын хабарлады. Qandastar.kz сайты хабарлады.
«112» пультіне өрт туралы хабарлама түскеннен кейін өрт сөндіру бөлімшелері оқиға орнына жедел жетті. Оқиға орнында балконда жиналған макулатура мен жиһаздың жанып жатқаны анықталды.
Жоғары температураның әсерінен балконда тұрған бос газ баллонындағы газ тұтанған. Салдарынан терезе әйнегі зақымданды.
Өрт толық сөндірілді. Оқиғадан ешкім зардап шеккен жоқ.