Шығыс Қазақстан облысы полиция департаменті Өскемен қаласының 16 жастағы тұрғынына қасақана ауыр дене жарақатын салу фактісі бойынша сотқа дейінгі тергеп-тексеру амалдарын бастады, деп хабарлайды qandastar.kz порталы.
Тергеу бойынша бірқатар сот сараптамалары тағайындалып, тиісті зерттеулер жүргізілді.
Күдіктіге қатысты «күзетпен ұстау» түріндегі бұлтартпау шарасы таңдалды.
"Істің барлық мән-жайын толық, объективті және жан-жақты зерделеуге бағытталған қажетті тергеу әрекеттері жалғасуда",- дейді полициядағылар.
Жасөспірім облыстық мамандандырылған медициналық орталыққа жеткізілген.
Жағдайы өте ауыр болды, дейді дәрігерлер.
Операция кезінде іш қуысында шамамен 3 литр қан жиналған.
Күрделі ота 3,5 сағатқа созылды.
Қазір жағдайы – тұрақты.