Алматы әуежайына Swiss Air әуе компаниясының ұшағы шұғыл түрде қонды. Airbus A350 ұшағы Сеул – Цюрих бағыты бойынша ұшып келе жатқан. Бұл туралы Qandastar.kz сайты хабарлады.
Төтенше қонудың себебі – екінші пилоттың денсаулығының күрт нашарлауы. Ұшақ жерге қонғаннан кейін оған алғашқы медициналық көмек көрсетіліп, жедел жәрдем қызметіне тапсырылды.
Кейін пилот №4 қалалық ауруханаға жеткізіліп, толық тексеру мен ем қабылдауға жіберілді.