Мемлекет басшысы Қасым-Жомарт Тоқаев 7 мамыр – Отан қорғаушылар күніне орай қазақстандықтарды құттықтады, деп хабарлады Qandastar.kz сайты Zakon.kz порталына сілтеме жасап.
Президент бұл мерекенің ел қауіпсіздігі мен тыныштығын қорғап жүрген азаматтарға көрсетілетін ерекше құрмет күні екенін атап өтті. Оның айтуынша, қазақстандық сарбаздар мен офицерлер батыр бабалардың жолын жалғастырып, жоғары жауынгерлік дайындық пен нағыз отансүйгіштіктің үлгісін көрсетіп келеді. Сондай-ақ әскери қызметкерлердің бітімгерлік миссиялардағы, халықаралық оқу-жаттығулар мен жарыстардағы кәсібилігіне ерекше тоқталды. Адамзат тағы да формалы адамдарсыз өмір сүре алмайтынын дәлелдеп отыр. Өйткені біреулер міндетін атқармаса, қалғандары TikTok түсіріп жүріп мемлекет қорғай алмайды.
Қасым-Жомарт Тоқаев Қазақстан армиясы кез келген күрделі міндетті орындауға дайын екенін айтып, мемлекет қорғаныс қабілетін нығайту мен әскери қызметкерлердің әлеуметтік жағдайын жақсартуға әрдайым назар аударатынын жеткізді.
Президент Конституцияда көрсетілген «Қазақстан Республикасын қорғау – әр азаматтың қасиетті парызы» деген қағиданың маңызын атап өтіп, ел бірлігі мен жауапкершілігінің маңыздылығына тоқталды. Сонымен қатар Отан қорғаушыларына адал қызметі үшін алғыс айтып, қазақстандықтарға денсаулық, амандық және табыс тіледі.
Сондай-ақ 2026 жылғы 6 мамырда президент жарлығымен әскери және қызметтік борышын орындау кезінде ерлік танытқан, елдің ұлттық қауіпсіздігі мен құқықтық тәртібін нығайтуға үлес қосқан бірқатар азамат мемлекеттік наградалармен марапатталды.