Мазмұнға өту
qandastar.

Тоқаев сегіз елдің елшісінен сенім грамоталарын қабылдады

Бақытжан Мұса
Тоқаев сегіз елдің елшісінен сенім грамоталарын қабылдады

Астанада Тәуелсіздік сарайында сегіз мемлекеттің төтенше және өкілетті елшісінің Қазақстан Президенті Қасым-Жомарт Тоқаевқа сенім грамоталарын тапсыру рәсімі өтті. Бұл туралы Qandastar.kz сайты хабарлады.

Сенім грамоталарын Мысыр елшісі Самех Шехата, Швейцария елшісі Кристина Хонеггер-Золотухин, Эстония елшісі Марье Лууп, Оман елшісі Салах Джабуб, Мажарстан елшісі Ференц Цомбош, Гвинея-Бисау елшісі Браима Эмбало, Нигерия елшісі Джозеф Олусола Иджи және Дания елшісі Ларс Туесен табыстады.

Кездесуде Мемлекет басшысы дипломаттарға ілтипат білдіріп, Қазақстанның сыртқы саясаттағы негізгі ұстанымдарына тоқталды.

Қасым-Жомарт Тоқаев Қазақстанның бейбітшілікке, теңгерімді және сындарлы сыртқы саясатқа басымдық беретінін атап өтті.

Президент қазіргі тұрақсыз әлем жағдайында мемлекеттердің өзара ынтымақтастығы мен диалогын нығайтудың маңызын айтты. Сондай-ақ шетелдік дипломаттарға Қазақстанның мемлекеттік органдары мен Сыртқы істер министрлігінің өзара жұмыс істеуге дайын екенін жеткізді.

Бөлісу: Telegram WhatsApp