Мемлекет басшысы Қасым-Жомарт Тоқаев Корея Республикасының Ұлттық күніне орай Президент Ли Чжэ Мёңге құттықтау жеделхатын жолдады. Президент екі ел арасындағы стратегиялық серіктестіктің нығайып келе жатқанын атап өтті, деп хабарлайды Qandastar.kz.
Қасым-Жомарт Тоқаев құттықтауында корей халқының тарихи-мәдени мұрасын, ұлттық бірлігі мен ынтымағын дәріптейтін бұл күннің маңызына тоқталды.
Мемлекет басшысы Қазақстан мен Корея арасындағы көпжақты ынтымақтастықтың жоғары деңгейде дамып келе жатқанын атап өтті. Сондай-ақ жақында Сеулге жасаған сапары барысында екіжақты қарым-қатынастарды болашаққа бағдарланған жан-жақты стратегиялық серіктестік деңгейіне көтеру туралы шешім қабылданғанын айтты.
Президент бұл шешім қазақ-корей ынтымақтастығын одан әрі дамытуға мүмкіндік беретініне сенім білдірді.
Қасым-Жомарт Тоқаев Ли Чжэ Мёңге жауапты қызметіне табыс, ал Корея халқына өркендеу мен бақ-береке тіледі.