Түркістан облысында полиция қызметкерлері мен балық инспекциясының өкілдері Шардара су қоймасында заңсыз балық аулаған екі азаматты анықтады. Бұл туралы Qandastar.kz сайты хабарлады.
Рейдтік іс-шара барысында Шардара ауданы полиция бөлімінің қызметкерлері қайық пен балық аулау торларын пайдаланып, балық ресурстарын заңсыз өндірген екі азаматты ұстады.
Тексеру кезінде олардан 264 келі әртүрлі балық, қайық және балық аулау торы тәркіленді.
Қазіргі таңда аталған факті бойынша барлық мән-жайды анықтауға бағытталған қажетті іс-шаралар жүргізіліп жатыр. Тергеу нәтижесіне сәйкес қолданыстағы заңнама аясында тиісті шешім қабылданады.
Полиция су биоресурстарын заңсыз өндіру фактілерін анықтау және олардың жолын кесу бойынша рейдтік іс-шараларды жалғастыратынын хабарлады.
Құқық қорғау органдары азаматтарды заң талаптарын сақтауға және қоршаған ортаға ұқыпты қарауға шақырды.