Түркістан облысының Ленгір қаласында ер адамның өліміне қатысты қылмыстық іс қозғалды, деп хабарлайды qandastar.kz порталы.
Желідегі ақпарат бойынша, оқиға қараусыз қалған ғимараттардың бірінде болған.
20-25 жас шамасындағы ер адамның денесінен пышақ жарақаты анықталған.
Күдікті ретінде 9-сыныпты енді тәмамдаған жасөспірім қыз ұсталған.
Ол уақытша ұстау изоляторына қамалды.
Түркістан облыстық полиция департаменті дерегінше, аталған факті бойынша «Кісі өлтіру» бабы бойынша сотқа дейінгі тергеу басталған.
Тергеу мүддесіне байланысты өзге мәліметтер әзірге жария етілмеді.