Зардап шеккен тараптың адвокаты Жанна Уразбахова Бишімбаевтан Нүкенова қиын жағдайда жатқанда неліктен жедел жәрдем емес, көріпкел шақырғанын сұрады.
Бишімбаев көріпкелдің Шымкентте тұратынын, 1,5-2 жылдан бері бизнес мәселелері бойынша хабарласатынын жеткізді. Сондай-ақ ол Салтанатқа қандай көмек қажет болғанын білмегенін айтты.
Адвокат: "Сіздің ойыңызша, Шымкентте отырған адам бұл сұраққа қалай жауап беруі керек еді?” – деп сұрады.
Бишімбаев: "Мен оған сенетінімді айттым, бұл – менің ішкі сенімім", – деп жауап берді.