WhatsApp қолданушылары абай болғаны жөн: мессенджердегі қарапайым әзілдің өзі адамның суреті пайдаланылған жағдайда құқықтық мәселеге ұласуы мүмкін.
Бұл тақырыпты журналист әрі тележүргізуші Азамат Әбілқайыр көтерді, деп хабарлайды
порталы.
@azamat__abilqaiyr ♬ оригинальный звук
Ол әлеуметтік желідегі жазбасында WhatsApp-та адамның бейнесі бар смайлик немесе стикер жіберуге қатысты жауапкершілік болуы мүмкін екенін айтқан.
Алайда мәселенің мәні сәл басқаша.
Қазақстан заңнамасында «адамның суретінен жасалған смайлик немесе стикер жіберуге болмайды» деген жеке тыйым жоқ. Яғни кез келген адамның бейнесі бар стикерді WhatsApp арқылы жібергені үшін автоматты түрде әкімшілік жаза қарастырылмаған.
Дегенмен біреудің фотосын оның келісімінсіз пайдалану немесе таратуға қатысты талаптар бар. Дербес деректер туралы заң бойынша адамның дербес деректерін тарату, әдетте, оның келісімін талап етеді.
Ал егер адамның суреті оны әдейі мазақ ету, қорлау немесе беделіне нұқсан келтіру мақсатында қолданылса, жағдайдың құқықтық бағасы мүлде басқа болуы мүмкін.
Мәселен, жеке адамның құпиясына қатысты материалдарды келісімінсіз тарату Қазақстанда қылмыстық жауапкершілікке дейін апаруы мүмкін. Полиция бұған дейін WhatsApp арқылы адамның интимдік фотоларын рұқсатсыз таратқан жағдай бойынша қылмыстық іс қозғалғанын хабарлаған.
Сондықтан «стикер жібергені үшін бірден айыппұл салынады» деу дұрыс емес. Бірақ басқа адамның суретін рұқсатсыз алып, оны келемеждеу немесе көпшілікке тарату - жай ғана әзіл болып қалмауы мүмкін.