Фото: ашық дереккөз
Жаңа 2 мың теңгелік банкноталар 2025 жылдың екінші тоқсанында жаппай қолданысқа енеді. Бұл туралы Ұлттық банк хабарлады, деп жазды qandastar.kz
«Сақ стилі» сериясының банкнотасы 25 желтоқсанда айналымға шығарылған болатын. Қорғаныш элементтері: Қазақстан елтаңбасы алтын металл бояудың жоғары бедерлі қабатымен басылған.
Көру қабілеті нашар адамдарға арналған арнайы белгі бар. Банкнота бетінде үзік-үзік түрінде шығып тұрған екі түсті қорғаныш жіп те бар. Патч. Банкнотаны аударған кезде номиналдың саны ою-өрнекке ауысқандай әсер береді. Жарық түскенде номиналдың бейнесінен тұратын электротип белгісі анық көрінеді. Банкнотаның екінші бетінде ақбөкеннің бас пішіні бейнесіндегі түсі өзгермелі Спарк элементі орналасқан.