Жаңаөзен қаласында 29 жастағы дәрігерге шабуыл жасалып, салдарынан ер адам көз жұмды, деп хабарлайды qandastar.kz порталы.
Оқиға туралы Айсұлу Дутбаева есімді желі қолданушысы өзінің әлеуметтік желідегі парақшасында жазды.
Оның айтуынша, күдікті мұнай өнеркәсібінің жұмысшысы. Ал оның әйелі дәрігер жұмыс істеген ауруханада медбике болған.
Облыстық полиция күдікті уақытша ұстау изоляторына қамалғанын мәлімдеді.
Алдын ала мәлімет бойынша, ер адамдар арасындағы дау отбасылық жанжалдан туындаған.
Оқиғадан кейін күдікті Жаңаөзен полиция бөліміне өз еркімен келіп, қылмысын мойындаған.
Полиция қылмыстық іс қозғады.