Астанада полицейлер мас күйінде көлік басқарған судьяны ұстады. Бұл ақпаратты қала полиция департаменті растады, деп хабарлайды qandastar.kz
Ведомствоның мәліметінше, Mazda маркалы автокөлікті басқарған жүргізуші жол-патрульдік қызмет инспекторлары тарапынан тоқтатылған. Медициналық тексеріс нәтижесінде оның мас күйде болғаны анықталды.
«Автокөлік коммуналдық тұраққа қойылды, қазір тексеріс жүргізіліп жатыр», – деп хабарлады полиция өкілдері.
Департамент өкілдері судьяның аты-жөнін жарияламады. Алайда әлеуметтік желілерде ұсталған адамның судья Асель Досаева болуы мүмкін деген ақпарат тараған.
Құқық қорғау органдары бұл мәліметті әзірге ресми түрде растаған жоқ.
