Астанада жасөспірімдер “Хан шатырдың” төбесіне шыққан

Фото:ашық дереккөз

Желіде астаналық сауда орталықтарының бірі «Хан Шатырдың» төбесіне шықпақ болған балалардың видеосы тарады, –  деп хабарлайды qandastar.kz

«Астанада тау жоқ болса, не істейміз енді?» деп сипатталған видеода жасөспірімдердің «Хан Шатыр» сауда үйінің төбесіне шығып жатқанын көруге болады. 

Бұзақыларды полиция қызметкерлері байқап, оларды ұстамақ болған, бірақ балалар қашып үлгерген.

Желі қолданушыларының жағдайға қатысты пікірі екі түрлі, бірі балалардың ісін қызық көріп, «балалық» деп жақтаса, екіншілері «тәртіпсіздік» деп сөгіп жатыр.

«Әйтеуір телефонға телміріп отырған жоқ қой», «Бала кезде қылық шығармағандай неге соншалықты ашуланасыздар?!», «Жай балалық қой» дейтіндер естерің дұрыс па?», «Кішкентай кезімізде біз де шатырға шығатынбыз, онда тұрған не бар?», – деп жазады қолданушылар.