Jańalyqtar
«Baǵany ádeıi tómendetedi»: Belgili kásipker «Iandeks.Taksı» básekelesterine Qazaqstan naryǵyna shyǵý nege qıyn ekenin aıtty
Foto: depositphotos.com
İnDrive kompanııasynyń negizin qalaýshy Arsen Tomskıı Iandeks jańa oıynshylardy Qazaqstandaǵy taksı naryǵynan qalaı yǵystyratynyn aıtyp berdi, dep jazdy qandastar.kz
Bul týraly Stan.kz aqparat agenttigi habarlaıdy.
Ol jańa servısterdiń Qazaqstan naryǵyna kirýi nege qıyn ekenin túsindirip, básekelestikke kedergi keltiretin faktorlardy atady.
“Bolt pen Didi-ge Qazaqstan naryǵyna shyǵý nege qıyn? Naryqta jańa kompanııa paıda bolsa, Iandeks Go nemese Uber KZ baǵalardy kúrt tómendetip, júrgizýshige beriletin syı-sııapatty arttyryp, ózderine baılap qoıady. Bul jaǵdaı jańa oıynshyǵa qıyn soǵary sózsiz. Sol sebepti naryqtan ketýge týra keledi. Keıin shyǵyndaryn qaıtarý úshin Iandeks baǵalardy burynǵydan da joǵary qoıýy múmkin. Mundaı taktıka ústem kompanııa tarapynan “predatory pricing” ıaǵnı baǵany tómendetý saıasaty dep qabyldanady. Bul kóptegen elderde, sonyń ishinde Qazaqstanda da, básekelestikti qorǵaý zańnamasyna qaıshy. Biraq onyń oryndalýyn qadaǵalaý kerek”, – dep jazdy Tomskıı.
Onyń aıtýynsha, iri oıynshy tek baǵany tómendetý saıasatyn ǵana emes, basqa da tetikterdi paıdalanady.
“Sonymen qatar monopolııany saqtap qalýdyń basqa joldaryn da qoldanýy múmkin. Mysaly, qosylǵan taksoparkterge jańa servıspen jumys isteýge tyıym salynady. Al úlken kompanııalar ózderiniń kartalaryn qoldanýǵa múmkindik bermeıdi. Qazaqstandaǵy Google Maps sapasy óte tómen. Sáıkesinshe bul da naryqtan ketýge áser etedi”, – dedi ol.
Arsen Tomskıı monopolııanyń halyq úshin de, memleket úshin de zııandy ekenin aıtyp, bılikke naqty usynys jasady.
“Jalpy monopolııa halyqqa da, memleketke de zııan, ásirese ol geosaıası táýekeldermen baılanysty bolsa. Bılik shynaıy ári ádil básekelestik ornaıtyndaı jaǵdaı jasaǵany jón, sonda 2-3 iri servıs jáne birneshe shaǵyn kompanııa qatar jumys isteı alar edi”, – deıdi Tomskıı.
Eske salsaq, osyǵan deıin «Iandeks.Taksı» tarıfterdiń qymbattaıtyny týraly úsh kún burynhabarlaýǵa mindettelgen edi.
