Бас прокурор президентке есеп берді

Ақорданың хабарлауынша, Берік Асылов қылмыстық ахуал және қылмыстық-құқықтық саладағы азаматтардың конституциялық құқықтарын қамтамасыз етуге бағытталған шаралар туралы баяндады:

Осылайша, прокуратура сотқа дейінгі тергеп-тексеру сатысында Қылмыстық іс жүргізу кодексіне қайшы келетін 32 мыңнан астам қаулыны тоқтатып, 4 мың адамның қылмыстық орбитаға негізсіз тартылуына жол бермеді, заңсыз қамауға алынған 1500-ден астам адамды босатты. Бас прокурордың наразылығынан кейін Жоғарғы сот 150 адамның жағдайын жақсартып, оның 10-ы толық ақталды.

«Әлеуметтік-экономикалық салада 81 мың кәсіпкердің, 979 мың зейнеткердің, халықтың әлеуметтік тұрғыдан аз қамтылған топтарының және басқа да азаматтардың бұзылған құқықтары қалпына келтірілгенін хабарлады. 123 мың жұмысшының еңбек құқығын бұзуға жол берілмеген. Жалпы сомасы 4,5 миллиард теңге болатын алимент бойынша қарыз өндірілген», – деп жазылған Ақорданың ресми хабарламасында.

Асылов сонымен қатар, былтыр мемлекет пайдасына 627 миллиард теңгеден асатын өтемақы қайтарылғаны жөнінде және экономикаға 12 триллион теңгеден астам қаржы құйған 800 инвесторға прокурорлық көмек берілгенін айтты.

– прокуратура актісі бойынша 136 лауазымды тұлға жауапқа тартылған

– прокурорлар инвесторларға қатысты мемлекеттік органдардың 712 шешіміне келісім бермеген;

– инвестициялық жобаларға қолдау көрсету барысында «прокурорлық сүзгіні» пайдалану өз тиімділігін көрсеткен;

– жалпыұлттық пулға енген жобалардың жүзеге асырылуын қадағалауға мүмкіндік беретін Цифрлы инвестициялық платформа белсенді қызмет атқарып келеді;

Асылов сонымен қатар, қоғам назарын аударған бірқатар қылмыстық істі тергеу барысы жөнінде және қылмысқа қарсы күресте цифрлық технологияларды жаппай енгізу жөнінде баяндады. Атап айтқанда, іздеуде жүрген азаматтарды «ақылды» бейнекамераның көмегімен табу (іздеуде жүргендер саны 9,4 пайызға азайды) тәсілі жолға қойылды.

Қасым-Жомарт Тоқаев «Заң және тәртіп» қағидасын іске асыру, барлық салада заңнаманың сақталуын қамтамасыз ету жұмыстарын жалғастыруды тапсырды. Сондай-ақ алаяқтыққа қарсы іс-қимыл, есірткі бизнесімен күрес, қоғамдық орындарда құқықбұзушылықтың алдын алу бойынша құқық қорғау мен басқа да мемлекеттік органдардың қызметін үйлестірудің маңызын атап өтті.

– прокурорлар инвесторларға қатысты мемлекеттік органдардың 712 шешіміне келісім бермеген;

– инвестициялық жобаларға қолдау көрсету барысында «прокурорлық сүзгіні» пайдалану өз тиімділігін көрсеткен;

– жалпыұлттық пулға енген жобалардың жүзеге асырылуын қадағалауға мүмкіндік беретін Цифрлы инвестициялық платформа белсенді қызмет атқарып келеді;

Асылов сонымен қатар, қоғам назарын аударған бірқатар қылмыстық істі тергеу барысы жөнінде және қылмысқа қарсы күресте цифрлық технологияларды жаппай енгізу жөнінде баяндады. Атап айтқанда, іздеуде жүрген азаматтарды «ақылды» бейнекамераның көмегімен табу (іздеуде жүргендер саны 9,4 пайызға азайды) тәсілі жолға қойылды.

Қасым-Жомарт Тоқаев «Заң және тәртіп» қағидасын іске асыру, барлық салада заңнаманың сақталуын қамтамасыз ету жұмыстарын жалғастыруды тапсырды. Сондай-ақ алаяқтыққа қарсы іс-қимыл, есірткі бизнесімен күрес, қоғамдық орындарда құқықбұзушылықтың алдын алу бойынша құқық қорғау мен басқа да мемлекеттік органдардың қызметін үйлестірудің маңызын атап өтті.