Қазақстанның Халық әртісі Роза Рымбаева 2026 жылдың ақпан айында Алматыда мерейтойлық концерттерін өткізеді. Осыған орай танымал продюсер, ҚР еңбек сіңірген қайраткері Баян Алагөзова Instagram желісінде әншіге арнап жылы лебізін білдірді, деп хабарлайды qandastar.kz.
52 жастағы тележүргізуші мен продюсер Роза Қуанышқызынан шақырту алғанын айтып, алғысын жеткізді. Алайда ол жеке өзі келе алмайтынын, орнына анасының баруын қалайтынын атап өтті.
«Роза Қуанышқызы мені концертке шақырды – үлкен рақмет! Өкінішке қарай, өзім бара алмаймын. Оның орнына анам барғанын қалаймын. Билеттер сатылымда. Ең үлкен жұлдыз сахнада жүргеніне 50 жыл толуын атап өтпек», – деп жазды Баян Алагөзова 2026 жылдың 26 қаңтарында Instagram Stories-та.
Сонымен қатар продюсер алдағы концерттердің шын мәнінде аңызға айналатынын атап өтті.
Бұған дейін Роза Рымбаева 2026 жылдың 7 ақпанында Алматыдағы Республика сарайында екі мерейтойлық концерт өткізетінін хабарлаған болатын. Концерттер сағат 15:00 және 19:00-де басталады.
