Танымал қазақстандық продюсер Баян Алагузова жыл басындағы басты мерекенің қарсаңында жанкүйерлерімен жаңа жылдық фотосуреттермен бөлісуді жалғастырып келеді, деп жазады qandastar.kz.
Тележүргізуші өткен фотосессиядан көптеген әдемі кадрлар шыққанын атап өтті.
«Лентада болсын деп шештім. Жаңа 2026 жыл да жақындап қалды!» – деп жазды актриса.
Сондай-ақ, кәсіпкер Тұрсын Алагузовтың жұбайы мерекелік дастарқанда қонақтарға қандай тағамдар ұсынылатынын да қысқаша айтып өтті.
Желі қолданушылары жылы пікірлерін жаудырып, отбасының барлық мүшесінің сұлулығы мен талғамын ерекше атап өтті. Әсіресе, көпшіліктің көңілінен шыққандар – жұлдызды жұптың қыздары Алма мен Алиса болды.
«Жыл жұбы»,
«Қыздар өте сүйкімді»,
«Барлығы қандай әдемі!» – деп жазды пікір қалдырушылар.
