Bekbolat Tileýhan bir toıda án aıtyp 15 jylqy, 1 túıe jáne 1 kólik mindi

Foto: turkystan.kz

Muhamedjan Tazabektiń qyzynyń uzatý toıynda jyr aıtqan Bekbolat Tileýhan qonaqtardyń yqylasyna bólendi, dep habarlady qandastar.kz

turkystan.kz jazǵandaı, jyr aıtyp turǵan Bekbolat Tileýhannyń vıdeosyn tanymal prodıýser Aısaýle Ábilda áleýmettik jelidegi paraqshasynda jarııalady. Sol keshte Bekbolat jyraý 15 jylqy, 1 túıe jáne 1 temir tulpar ıelengen.

«Ataqty jyraý, belgili dástúrli ánshi Bekbolat Tileýhan aǵamyzdyń ánin tyńdap tamsanbaǵan adam az shyǵar qazaqta, sebebi ol kisi qolyna dombyra alyp, án sala bastaǵanda bárimizdiń ulttyq kodymyzǵa sý búrikkendeı qompańdap qalamyz. Keshe toı ústinde el qolqa salyp, jandy daýyspen ár óńirdiń ánin quıqyljyta jónelgende aǵalar márttigin kórsetip, syı-syıapatyn aıamady. Táýelsizdikti endi alyp, el eseńgirep jatqanda qazaqty Qaztýǵannyń, Dospambettiń, Aqtamberdiniń jyrymen tabystyrǵan arda aǵa, aman bolyńyz, bar bolyńyz!», — dedi prodıýser Aısaýle Ábilda.