«Betinen uryp jiberdim»: Burynǵy súıiktisine qol kótergen Shárip Serik málimdeme jasap, keshirim surady

Foto: Stan.kz

Akter Shárip Serik lıftte burynǵy súıiktisine ne úshin shabýyl jasaǵanyn túsindirip, málimdeme jasady. Bul týraly qandastar.kz Stan.kz aqparat agenttigine silteme jasap habarlaıdy.

Aıta keteıik, jaqynda Shárip Serik Say Mo-dan keıin qosylǵan jary Álııa Býteevamen de ajyrasyp ketkenin aıtqan edi. Sodan keıin Álııa Býteeva oǵan akter qol kótergenin moıyndap, jelide aǵynan aqtaryldy.

“Men zorlyq-zombylyqqa qarsymyn. Bárińiz vıdeony kórdińizder! Men oǵan lıftte dóreki is-áreket jasadym. Sol sátte ashýǵa boı aldyrdym. О́zimdi aqtaı almaımyn. Istegen áreketim úshin zań aldynda jaýap berýge daıynmyn. Álııanyń ózinen jáne ata-anasynan keshirim suraımyn. Meniń onyń betinen uryp jiberdim. Meniń qateligimdi qaıtalamańyzdar! Áıelge qol kótermeńizder!”, – dedi akter.

Jeli qoldanýshylary túrli pikir bildirip jatyr. Biri qatelespeıtin adam joq ekenin aıtyp aqtasa, endi biri senbeýge úndedi.

“Sózin anasy jazyp bergen”, “Akter ekenin umytpaıyq”, “Keshirim surap, qutylyp ketpese eken”, “Laıyq jazasyn alsyn!”, “Aqsha men ataq túbine jetti”, “Bıshimbaev 2 bolyp qaldy”, “Kinásin túsinip tur”, – dep jazdy kópshilik.

Eske salaıyq, Shárip Seriktiń burynǵy jubaıy Say Mo da zorlyq-zombylyq kórgenin esine alǵan edi.