Алматыда жаңа суши мейрамханасының ашылу салтанаты кезінде келушілер арасында абыр-сабыр туындады. Бұған себеп — ұйымдастырушылар алғашқы қонақтарға тегін роллдар таратамыз деп хабарлаған акциясы болды, деп жазды qandastar.kz
Алайда тегін тағам тарату шарасы бақылаудан шығып, адамдар бір-бірін итеріп, алға ұмтылған. Оқиға орнында ондаған адам, соның ішінде балалармен келген ата-аналар болған.
Әлеуметтік желілерде тараған видеоларда мейрамхана қызметкерлерін қоршаған тығыз топ көрінеді. Көпшіліктің арасында балалар болуына қарамастан, адамдар алға қарай итермелеп, қауіпті жағдай туғызған.
Қалалық билік пен ұйымдастырушылар оқиғаға қатысты әзірге ресми пікір білдірген жоқ.
