Bıyl oqýshylar men stýdentter úshin oqý jyly kesh bastalýy múmkin

Foto: ashyq derekkóz

Astana qalasynyń oqýshylary men stýdentteri úshin oqý jylynyń bastalý ýaqyty V Dúnıejúzilik kóshpendiler oıyndarynyń ótkizilýine baılanysty shegerilýi múmkin, dep habarlaıdy KYN.KZ aqparat agenttigi sadaqmedia.kz saıtyna silteme jasap.

Vıe-mınıstr Serik Jarasbaevtyń aıtýynsha, qazir Oqý-aǵartý mınıstrligimen jáne Ǵylym jáne joǵary bilim mınıstrligimen kelissózder júrgizilýde.

«Bul arada eki nusqa bar: biz ne Qabanbaı batyr jáne Turan dańǵyldaryndaǵy mektepterdi onlaın oqytý formatyna aýystyramyz nemese oqý kezeńiniń bastalý ýaqytyn Astana boıynsha shegerimiz. Biz máseleni qazir qyzý talqylap jatyrmyz, kelesi aptada naqty sheshim qabyldaýymyz kerek», – dedi Serik Jarasbaev.

Dúnıejúzilik kóshpendiler oıyndaryn ótkizý kezinde kólik qozǵalysy keptelisi bolmas úshin sport nysandaryna arnaıy shattl avtobýstar qatynaıtyn bolady.

Sonymen qatar, jarystyń bastalý ýaqyty tańǵy 9:00-den 11:00-ge aýystyryldy. V Dúnıejúzilik kóshpendiler oıyndary Astanada 8-13 qyrkúıek aralyǵynda ótedi. Bul — etnıkalyq sport túrleri boıynsha eń iri halyqaralyq sport jarysy.