«Bızneske qysym jasaý jáne tartyp alý eski Qazaqstan ókilderiniń negizgi ádisi boldy»

«Ádildik joly» respýblıkalyq qoǵamdyq birlestigi jumysyndaǵy basymdyǵyn ózgertedi. Bul týraly uıymnyń atqarýshy dırektory Dıdar Smaǵulov aıtty, – dep habarlaıdy qandastar.kz. Aikyn.kz.-ke silteme  jasap.

Onyń aıtýynsha, 3 jyl ishinde uıymǵa elimizdiń barlyq óńirinen sheneýnikterdiń qyzmetin asyra paıdalaný men túrli buzýshylyqtar týraly azamattar men kásipkerlerden 9000-ǵa jýyq shaǵym túsken. Onyń ishinde quqyq qorǵaý organdarynyń kómegimen bıznesti zańsyz qýdalaýǵa ákelgen jaıttar bolǵanyn atap ótti.

Atalǵan uıym 2019 jyly Qazaqstan Prezıdentiniń saılaýaldy baǵdarlamasyn qoldaý maqsatynda qurylǵan bolatyn.

«Onyń ádildik dep atalatyn ekinshi baǵyty sybaılas jemqorlyqqa qarsy is-qımyl jáne zań ústemdigin qalyptastyrý jónindegi sharalar keshenin kózdedi. Bir jyl buryn Memleket basshysy bul máselege taǵy da nazar aýdaryp, Antıkor basshylyǵymen ótken keńeste halyqtyń ádildikke degen senimi joǵala bastaǵanyn, sondyqtan onyń alǵashqy saılaýaldy ýádeleriniń biri sybaılas jemqorlyqqa qarsy kúres ekenin atap ótti», – dedi Dıdar Smaǵulov óziniń úndeýinde. 

Onyń aıtýynsha, 3 jyl ishinde uıymǵa elimizdiń barlyq óńirinen sheneýnikterdiń qyzmetin asyra paıdalaný men túrli buzýshylyqtar týraly azamattar men kásipkerlerden 9000-ǵa jýyq shaǵym túsken. Onyń ishinde quqyq qorǵaý organdarynyń kómegimen bıznesti zańsyz qýdalaýǵa ákelgen jaıttar bolǵanyn atap ótti.

«Kúshtik qurylymdar qorqytqan tabysty bıznes tek óz qyzmetin toqtatyp, qazynany salyqpen tolyqtyrýyn toqtatyp jatqan joq. Munyń saldary myńdaǵan adamnyń jumysynan aıyrylýyna ákeledi. Bul kóptegen otbasy úshin jalǵyz tabys kózi bolatyn. Sondyqtan jaıly ınvestıııalyq klımat týraly aıtýdyń ózi artyq, – dedi ol. 

Onyń sózinshe, kúshtik qurylymdardyń qyzmetkerleri reıderlikpen aınalysatyn jaǵdaılar kezdesedi. Buǵan uıymǵa júgingen azamattardyń shaǵymdary dálel bola alatynyn atap ótti.

«Syrt kózge basqasha bolyp kóringenimen, shyn máninde kúshtik qurylymdardyń qyzmetkerleri básekeles kásipkerlerdiń qaryzdaryn qaıtaryp, olardy temir torǵa toǵytýmen aınalysatyn kollektorlarǵa nemese reıderlerge aınalyp barady. Búginde bizde mundaı ótinishter men shaǵymdar tolyp jatyr. Qoǵamda bızneske qysym jasaý jáne bıznesti tartyp alý quraly eski Qazaqstannyń «talantty» jáne «óte tabysty» ókilderiniń jumysynyń negizgi ádisi bolǵanyn bári jaqsy biledi jáne túsinedi», – dep tolyqtyrdy sózin.

Otandyq kásipkerlerdiń elge ınvestıııalar men jańa tehnologııalardy tartyp, jańa jumys oryndaryn quratynyn jáne el bıýdjetin tolyqtyratynyn bilemiz. Sonyń arqasynda memleket halyq aldyndaǵy óziniń áleýmettik mindettemelerin oryndaı alady. Osy oraıda Prezıdentke kim kómektesip, qoldaý kóresetedi? Álbette, biz. Sondyqtan biz «Ádildik joly» RQB-nyń negizgi resýrstaryn osy baǵyt – bıznesti qorǵaýdaǵy zań men tártipke salatyn bolady», – dedi Dıdar Smaǵulov.

Sondaı-aq ol úndeýinde barsha qazaqstandyqtardy bıznesti qorǵap, ádiletti Qazaqstandy birge qurýǵa shaqyrdy.

Halyqtyń ótinishin qabyldaý úshin arnaıy Zan&Tartip@adildik.kz elektrondyq poshtasy iske qosyldy.