БҚО-дағы Чапаев ауылдық округінің әкімі Биболат Зейнуллин мас күйде көлік жүргізгені үшін ұсталды деп хабарланды, деп жазады Qandastar.kz сайты KAZ.NUR.KZ порталына сілтеме жасап.
«Уральская Неделя» басылымының мәліметінше, оқиға 12 наурызда түнде орын алған. Әкім өзін ауруханада жатқанын айтып, блогер «Дорожный контроль» қоңырауына жауап бергісі келмеген, бірақ мас күйде көлік жүргізгенін мойындаған.
БҚО Полиция департаментінің хабарлауынша, Ақжайық ауданы, Чапаев ауылы маңында патрульдік қызметкерлер мас күйде көлік жүргізген жүргізушіні анықтап, Әкімшілік құқық бұзушылық туралы кодекстің 608-бабы бойынша әкімшілік хаттама толтырылған. Материалдар сотқа жолданды.
