Әлеумет және қоғамЖаңалықтар
Боранбаев Швейцария https://qandastar.kz/boranbaev-shvejtsariya-shotyndagy-milliondaryn-saktap-kaldy/шотындағы миллиондарын сақтап қалды
Боранбаев Швейцария шотындағы миллиондарын сақтап қалды, деп жазды qandastar.kz
Қазақстан Кайрат Боранбаевтың әйелі Шолпан Боранбаеваға тиесілі деп есептелген Швейцария банкіндегі 212 млн доллардан ресми түрде бас тартты. Бұл туралы Vlast порталы хабарлап отыр.
Бұл қаражат 2023 жылы біздің өкіметтің сұрауымен бұғатталған. Бірақ кейін олигарх мемлекетпен мәмілеге келіп, активтерінің бір бөлігін қайтаруға келіскен соң, Қазақстан Швейцария сотына «бұл қаржының заңсыздығын дәлелдейтін нақты айғақ жоқ» деп, өз арызын қайтарып алған.
Осылайша, 2025 жылдың қаңтарында швейцариялық сот 212 млн долларды бұғаттан босатып жіберген.
Боранбаевтың Қазақстанмен жасасқан келісімі бойынша, ол бұған дейін елге бірнеше ірі активтерін тапсырған еді. Дегенмен, бұл активтердің кейбірінің құқықтық мәртебесі біраз уақыт бойы түсініксіз болып келген. Себебі Боранбаев активтерді мемлекетке формалды түрде бергенімен, кейбір құжаттарға қол қоюдан бас тартқан.
Әшкере телеграм арнасы жазғандай, кейін Қаржы министрлігі активтердің ақыры толық тапсырылғанын растады. Ал, оның жұбайына тиесілі есеп-шоттағы жүздеген миллион доллардың шығу төркіні сол күйі жұмбақ болып қалмақ. Қазақстан жағы бұл ақшаның қайдан шыққанына енді бас ауыртпайтын тәрізді.
