«Borattyń malshylarynan utyldyq»: «Qaırat» pen «Seltık» jattyqtyrýshylary suhbat berdi

Foto: Orda.kz 

Tarıhı sátten keıin «Qaırat» pen «Seltık» jattyqtyrýshylary suhbat berdi. Aldymen «Seltık» bapkeri Brendan Rodjers BAQ ókilderine óz jaýabyn berdi, dep jazdy qandastar.kz

Brendan Rodjers óz oıynshylarynyń oıynyna kóńili tolmaǵanyn jasyrmady.

«Alańdaǵy shóptiń bıiktigi tómen boldy, ıaǵnı alań juqalaý boldy deýge bolady jáne meniń de oıynshylarymnyń oıyny nashar boldy. Meniń óz komandamnyń oıynyna kóńilim tolmady», – dedi Brendan Rodjers.

Keıin BAQ ókilderine Rafael Ýrazabahtın kelgen kezde barlyq tilshiler ornynan turyp, qol shapalaqtap, qoldaý bildirdi.

Chempıondar lıgasy, Qazaqstanǵa keletin top klýbtar jáne Ulttyq quramany baptaý

«Basty maqsatymyz – premer-lıgadaǵy kýbokty jeńip, eýrokýbokqa joldama alý bolatyn. Biz Chempıondar lıgasynyń toptyq kezeńinen shyǵamyz dep te oılamadyq. Irikteý kezeńinde qalyp ketemiz dep oıladyq. Ázirge naqty maqsat qoımadyq», – dedi Ýrazbahtın.

Orda.kz habarlaǵandaı,   BAQ ókilderi Ýrazbahtınnen Chempıondar lıgasynda qandaı myqty klýbtarmen oınaǵysy kelgenin surady.

«Ol týraly oılanǵan da joqpyn, biraq jigitterge eger ChL-ǵa shyqsaq, onda jerebe kezinde qaı klýbtarmen túsip qalatynymyzdy kórsettim. Árıne, kileń myqty klýbtar boldy. Tipti kıim aýystyratyn bólmege olardyń sýretterin shyǵaryp ilip qoıdyq».

О́z sózinde Ýrazbahtın «Seltıktiń» alańyndaı alań Qazaqstanda da bolsa jaqsy bolatynyn aıtty. Osy oıynnan keıin Rafael Ýrazbahtındi Ulttyq quramanyń jattyqtyrýshysy retinde alý kerek degen oı áleýmettik jelide qyzý talqyǵa túsken bolatyn.

«Men ondaıdy estigen joqpyn. Maǵan ázirge ulttyq quramaǵa bas bapkeri bolýǵa erte. Men munda áli alǵashqy qadamdarymdy jasap kele jatyrmyn».

«Seltık» jankúıerleriniń pikiri

Goal.kz-tegi áriptesterimizdiń málimetinshe, «Seltık» jankúıerleri komandalarynyń oıyndaryna razy emes. Bireýi jeńilistiń sebebi komandanyń nashar oıynynda dese, bireýi «Qaırat» sekildi komandadan utylý «Seltık» úshin uıat dep eseptedi.

«Jaraısyńdar. Biraq «Qaıratqa» toptyq kezeńde bir upaı alý úshin búkil álemniń sáttiligi qajet bolady. Shynyn aıtsam, sender tarıhtaǵy eń álsiz «Seltıkti» ázer jeńdińder».

Keı jankúıerler Qazaqstandy Boratpen ushtastyratynyn da jasyrmady.

«Borattan jáne onyń malshylarynan utyldyq… Aıtar sózim joq»,  – dedi «Seltık» jankúıerleriniń biri.

Sondaı-aq Chempıondar lıgasynyń toptyq kezeńinde «Qaırat» sońǵy orynda bolatynyn aıtty.

«Qaırat toptyq kezeń kestesinde sońǵy orynda bolady. «Qaırat» myqty boldy deısińder me? О́tinemin, ózderińdi aldamańdar. Biz jaı ǵana óte nashar oınadyq».

Al keı jankúıerler «Qaıratqa» Chempıondar lıgasyna sáttilik tilep, olardyń jeńiske laıyq bolǵanyn da atap ótti.

«Jaraısyńdar, Almaty! Jeńiske laıyq boldyńdar. Eki matchta da bizden góri jaqsy oınadyńdar».

«Búgin «Qaırat» Qazaqstannyń «Borat» emes ekenin, fýtbol, minez jáne oıynǵa degen qurmeti bar ekenin dáleldedi. Sondyqtan stereotıpterdiń ornyna qarsylasqa qurmet kórsetińder, ol myqtyraq bolyp shyqty».

Aıta keteıik, ÝEFA reıtınginde «Qaırat» jeńisten keıin 203-shi orynnan birden 156-shy orynǵa kóterilip, qostanaılyq «Tobyldy» artta qaldyrdy.

«Qaırat» Chempıondar lıgasynda qandaı top klýbtarmen oınaýy múmkin?

Chempıondar lıgasyna ótken «Qaıratpen» kez kelgen myqty klýbtar oınap qalýy yqtımal.

Nazarlaryńyzǵa «Qaıratpen» oınap qalýy múmkin degen myqty klýbtardy usynamyz: PSJ (Franııa), Real Madrıd (Ispanııa), Barselona (Ispanııa), Borrýsııa Dortmýnd (Germanııa), Chelsı (Anglııa), Inter (Italııa), Lıverpýl (Anglııa) jáne Bavarııa (Germanııa).

Derekkózderdiń málimetinshe, almatylyq «Qaırat» jalpy Chempıondar lıgasynyń irikteý kezeńinen 11,6 mlrd teńge qarjy tapqan.