Bortta 49 adam bolǵan: Reseıde ushaq apatqa ushyrady

Reseıdiń Amýr oblysynda 49 adam otyrǵan jolaýshylar ushaǵy qulady. Qazir ushaqtyń synyqtary tabyldy, dep jazdy Qandastar.kz Mash Telegram-arnasyna silteme jasap.

Atalǵan arna Reseıde jolaýshylar ushaǵy baılanysqa shyqpaı qalǵanyn alǵashqylardyń biri bolyp habarlady.

«Amýr oblysynda reıs kezinde joǵalyp ketken An-24 ushaǵynda 49 adam bolǵan. Olardyń ishinde 38 eresek jolaýshy, 5 bala jáne 6 ekıpaj múshesi bar», – dep jazdy basylym.

Keıin bul aqparatty Reseı azamattyq avıaııa agenttiginiń (Rosavıaııa) resmı ókili Artıom Korenıako rastady.

«Amýr oblysynda Rosavıaııa Reseıdiń TJM jáne basqa da qyzmettermen birlesip “Angara” áýe kompanııasyna tıesili An-24 ushaǵyn izdestirip jatyr. Ushaq Blagoveщenskten Tynda qalasyna bet alǵan», – dedi ol.

Kóp uzamaı Reseı TJM janǵan ushaqtyń fıýzelıajy tabylǵanyn habarlap, qutqarýshylardyń oqıǵa ornyna bara jatqanyn habarlady.

RIA Novostı málimetinshe, An-24 ushaǵy Tynda qalasynan 15 shaqyrym jerde, taý etegindegi qıyn jerde tabylǵan. Aldyn ala málimet boıynsha, tiri qalǵandar joq. Amýr oblysynyń gýbernatory ushaq bortynda 43 jolaýshy (onyń ishinde 5 bala) jáne 6 ekıpaj múshesi bolǵanyn rastady.

TASS agenttiginiń habarlaýynsha, apattyń aldyn ala sebebi – ushqyshtardyń nashar kórinetin jaǵdaıda qoný kezinde jibergen qatesi.

Tynda mańynda apatqa ushyraǵan An-24 ushaǵynyń komandıri – Vıacheslav Logvınov. Ol «Angara» áýe kompanııasyna jumysqa ornalasqanǵa deıin Aqtóbedegi T. Ia. Begeldınov atyndaǵy Áýe qorǵanys kúshteri áskerı ınstıtýtyn bitirgen. Irkýtsk qalasynda turǵan.

An-24 ushaǵynyń bortserigi Anastasııa Bessmertnaıa bolǵan. Ol bul mamandyqta 2007 jyldan beri jumys istegen. Jumys barysynda bortmehanık kúıeýimen tanysyp, otbasyn qurǵan. Erli-zaıyptylardyń eki qyzy bar.

An-24 ushaǵynyń jolaýshylarynyń biri – 55 jastaǵy Elena Velıkanova nemeresine barý úshin saparǵa shyqqan. Ol Habarovsk qalasynan 8 jasar nemeresin jazǵy demalysqa alyp ketý úshin kele jatqan.

Elena sońǵy ret saǵat 10:04-te baılanysqa shyqqan. SMS-habarlamada ol: «Ushaqtamyn, qarsy alyńyzdar» dep jazǵan. Balalarynyń aıtýynsha, ájesi men nemeresi keıin poıyzben Gornyı aýylyna, ıaǵnı ájesiniń úıine barýy tıis bolǵan. Bıletterdi otbasy bir apta buryn satyp alǵan. Qazir ata-anasy qyzyna ájesiniń qaza tapqanyn aıtýǵa batpaı otyr.

Qazir Tynda áýejaıynda 40-tan astam adam An-24 ushaǵy jolaýshylary týraly aqparatty kútip otyr. Jaqyndaryna kómek kórsetý úshin Kývykta kentinde arnaıy qabyldaý pýnkti (PVR) uıymdastyrylýda.