Búgin elimizdiń basym bóliginde aptap ystyq bolady

Sınoptıkter 2025 jyldyń 6 shildesinde, jeksenbide Qazaqstanda aýa raıy qandaı bolatynyn aıtty, dep habarlaıdy Qandastar.kz.

Boljamǵa sáıkes, erteń respýblıkamyzdyń basym bóligine ıklon jáne onymen baılanysty atmosferalyq frontaldy bólikterdiń áserinen turaqsyz aýa raıy sıpaty saqtalady.

«El aýmaǵynda naızaǵaı oınap, jańbyr jaýady dep kútiledi.  Soltústik pen shyǵysta, ásirese tabıǵat minez tanytady. Keıbir aýdandarda burshaq jaýýy múmkin», — deıdi «Qazgıdromet» RMK.

Tek elimizdiń ońtústiginde, ońtústik-shyǵysynda jáne ortalyǵynda antııklon áserinen jaýyn-shashynsyz aýa raıy kútiledi. Respýblıka boıynsha ortaq tabıǵı qubylys — jeldiń ekpin alýy. Soltústik pen shyǵysta daýyl turyp, soltústik-batysta jáne soltústikte túnde jáne tańerteń tuman túsedi. Kúndiz Almaty oblysynda synap baǵany +35 gradýsqa deıin kóterilip, aptap ystyq bolady dep kútiledi.