«Buqaralyq sport qaýipsiz bolýy kerek»: Sport mınıstri Almatydaǵy eki marafonshynyń kóz jumǵanyna qatysty pikir bildirdi

Foto: ashyq derekkóz

Sport jáne týrızm mınıstri Erbol Myrzabosynov Almatyda kóz jumǵan eki marafonshynyń jaqyndaryna kóńil aıtty, dep jazdy qandastar.kz

 Bul týraly Stan.kz aqparat agenttigi habarlaıdy.

Mınıstr Almatyda ótken jartylaı marafondaǵy qaıǵyly jaǵdaıǵa nazar aýdardy.

“Marafon kezinde eki qatysýshynyń qaza tabýy – aýyr ári erekshe nazar aýdarýdy qajet etetin jaǵdaı. Qazir oqıǵa boıynsha tolyqqandy tekseris júrgizilip jatyr. Qatysýshylardyń densaýlyq jaǵdaıy, jarysty uıymdastyrý tártibi, medıınalyq qamtamasyz etý deńgeıi men qaýipsizdik reglamenti jan-jaqty saraptalady”, – dedi Myrzabosynov.

Ol jergilikti atqarýshy organdar ótkizetin sharalarǵa talapty kúsheıtetinin aıtty. Sózinshe, buqaralyq sport qaýipsiz ári kásibı deńgeıde uıymdastyrylýǵa tıis.

“Týrızm jáne sport mınıstrligi bul baǵytta naqty usynystar ázirlep, tıisti qurylymdarǵa joldaıdy. Qaza bolǵan azamattardyń jaqyndaryna kóńil aıtamyn!”, – delingen habarlamada.

Eske salsaq, Almatyda marafonnyń eki qatysýshysy kóz jumǵan edi.