Бұрынғы ұлттық экономика министрі Әлібек Қуантыров жаңа қызметке тағайындалды

Фото: Айқын.кз

Бұрынғы ұлттық экономика министрі енді жаңа қызметке тағайындалды. Бұл туралы Stan.kz ақпарат агенттігі хабарлайды.

Мемлекет басшысының өкімімен Әлібек Сакенұлы Қуантыров сыртқы істер министрінің орынбасары боп тағайындалды.

Әлібек Қуантыров 1983 жылы Атырау қаласында туған. Томск мемлекеттік университетін және Мичиган университетін тәмамдаған.
Еңбек жолын 2005 жылы ҚР Экономика және бюджеттік жоспарлау министрлігінде жетекші маманның м.а. болып бастады.

• 2005-2010 жж. — ҚР Экономика және бюджеттік жоспарлау министрлігінде түрлі лауазымдарда жұмыс істеді.
• 2010-2013 жж. — ҚР Қаржы министрлігінің Бюджеттік жоспарлау және болжамдау департаменті директорының орынбасары.
• 2013 ж. — ҚР Индустрия және жаңа технологиялар министрлігінің Геология және жер қойнауын пайдалану комитеті төрағасының орынбасары.
• 2013-2019 жж. — ҚР Президент әкімшілігінде түрлі қызметтер атқарды.
• 2022-2024 жылдар аралығында ол ұлттық экономика министрі қызметін атқарды.
• 2024 жылы сәуірде  Kazenergy қауымдастығының бас директоры болып тағайындалды.