بىلاپىت سوزدەر ايتىپ, بەرەكەتتى بۇزعان: قىزىلوردادا كەلىنى ەنەسىن سوتقا بەردى

قىزىلوردا وبلىسى قازالى اۋداندىق سوتى كەلىنى مەن ەنەسىنە قاتىستى اكىمشىلىك ءىستى قاراعان, دەپ حابارلايدى qandastar.kz سايتى Azattyq Rýhy سايتىنا سىلتەمە جاساپ.

اۋداندىق سوتتىڭ ءباسپاسوز قىزمەتى تاراتقان اقپاراتقا سۇيەنسەك, سوتقا ارىزدانعان كەلىنشەك ەنەسىنىڭ وعان جامان سوزدەر ايتقانىن نەگىز ەتكەن.

«سوت انىقتاعانداي, ەنەسى كەلىنىن سىيلاماي, وعان بىلاپىت سوزدەر ايتىپ, ۇيدەگى تىنىشتىقتى بۇزعان. ءجابىر كورگەن كەلىنشەك ەنەسى تاراپىنان اۋىر سوزدەردى كوتەرە الماي ارىز تۇسىرگەندىگىن ايتىپ, وعان جازا قولدانۋدى سۇراعان», — دەپ حابارلايدى قازالى اۋداندىق سوتىنىڭ ءباسپاسوز قىزمەتى.

سوتتا ەنەسىنىڭ كىناسى تولىق دالەلدەنگەن. قازالى سوتى ايەلدى اكىمشىلىك قۇقىق بۇزۋشىلىق تۋرالى كودەكستىڭ 73 بابى, 1-بولىگى بويىنشا كىنالى دەپ تاۋىپ, ەسكەرتۋ جاساعان.