Comic Con Astana-2025: Skott Edkıns jankúıerlerimen kezdesti

Foto: SSA

Comic Con Astana-2025 úshinshi kúni bas sahnada Gollıvýd akteri, jekpe-jek sheberi Skott Edkıns jankúıerlerimen kezdesti, dep jazdy qandastar.kz

Gollıvýd juldyzdary, ataqty kospleıerler, mıllıonnan astam oqyrmandary bar blogerler, beıne oıyndar, manga, komıkster jáne t.b. – osynyń báriniń arqasynda Comic Con Astana-2025 túrli elderden kelgen ártúrli jastaǵy adamdardyń basyn qosqan ortaǵa aınaldy. Alǵashqy eki kúnniń ózinde festıvaldiń eki alańyna                   29 000-ǵa jýyq adam keldi. Úshinshi kúnniń juldyzdy qonaǵy Gollıvýd akteri Skott Edkıns boldy. 

Skott Edkınsti jankúıerler «Neosporımyı» fılmder serııasyndaǵy Iýrıı Boıko róli, sondaı-aq «Djon Ýık 4», «Doktor Strendj», «Ip Man 4» fılmderindegi rólderi arqyly biledi. 

Jankúıerlerimen kezdesýde ol birinshi kezekte Astanadaǵy Comic Con festıvaliniń basqa elderdegi osyndaı is-sharalarmen salystyrǵanda tamasha uıymdastyrylyp jatqanyn atap ótti. Sonymen qatar ol Astana týraly da jyly pikir bildirdi:

«Qala óte ádemi. Maǵan kórikti jerler, mýzeılerdi kórsetip, shaǵyn týr uıymdastyrdy, sosyn meıramhanaǵa bardyq. Mundaǵy taǵamdar da óte dámdi. Maǵan sondaı-aq adamdardyń meni qalaı qarsy alǵany qatty unady». 

Jankúıerler akterden súıikti fılmderi men komıksteri týraly, ol somdaǵan jáne somdaǵysy keletin keıipkerler týraly surady. Akter «Neosporımyı» fılmindegi Iýrıı Boıko róline erekshe nazar aýdardy jáne bul róldi Skott Edkıns úshin «Kıno álemine jol ashqan keıipker» dep atady. 

«Men Astanaǵa ushyp kelgende, áýejaıda soqqynyń kúshin anyqtaıtyn apparat boldy. Al qurylǵynyń jan-jaǵynda Iýrıı Boıkonyń sýreti japsyrylǵan eken. Men bul sýretterdi kórip: «Qudaıym-aý, bul men ǵoı!» dedim. Shynymdy aıtsam, Boıko tek zulym adam ǵana emes, ol ardyń adamy. Men ony myqty kúresker retinde kórsetip qana qoımaı, onyń minezin tolyq ashyp kórsetýge tyrystym», – dep atap ótti Skott Edkıns.