Danıal Ahmetovtyń kúıeý balasy «Qazaqstan temir joly» kompanııasy basshysy mindetin ýaqytsha atqarýshy laýazymyn ıelendi

Foto: railways.kz

«Qazaqstan temir joly» ulttyq kompanııasy» AQ basqarma tóraǵasy bos laýazymyn tóraǵa mindetin ýaqytsha atqarýshy retinde Erlan Qoıshybaev ıelengen, dep jazdy qandastar.kz

Bul týraly Stan.kzaqparat agenttigi QazTAG-qa silteme jasap habarlaıdy.

«Qazaqstan temir joly» bastyǵynyń orny áli bos. Resmı taǵaıyndaý bolǵan joq. Qoıshybaev bul qyzmetti ýaqytsha mindetin atqarýshy retinde ishki tártipke saı ıelendi –mysaly, eger basqarma tóraǵasy demalysqa shyqqanda da, dál solaı Qoıshybaev onyń ornyna ýaqytsha mindetin atqarýshy bolar edi», – dep málimdegen agenttik derekkózi.

QTJ bastyǵy mindetin ýaqytsha atqarýshy atanǵan Erlan Qoshybaev – Shyǵys Qazaqstan oblysynyń eks-ákimi Danıal Ahmetovtiń kúıeý balasy.

Eske salsaq, buǵan deıin «Qazaqstan temir jolyn» taıaýda kólik mınıstri bolyp taǵaıyndalǵan Nurlan Saýranbaev basqarǵan edi.