Қазақстан құрамасының және алматылық «Қайрат» клубының жас шабуылшысы Дастан Сәтпаев Бельгиямен өткен кездесуде ұлттық құраманың тарихына енді. Ойынның бірінші бөлігінде ол қарсылас қақпасына алғашқы голды соғып, матчтың есебін ашты, деп хабарлады qandastar.kz. .
Осы нәтижесінің арқасында Сәтпаев Қазақстан құрамасы атынан гол соққан ең жас футболшы ретінде жаңа рекорд орнатты. Бұған дейінгі көрсеткіш Еркебұлан Сейдахметке тиесілі болатын.
Бұл Дастанның ұлттық құрамадағы алғашқы голы екені де атап өтуге тұрарлық. Жас футболшы бұған дейін Қазақстан сапында бес кездесуге қатысып, өзінің сенімді ойынымен жанкүйерлердің назарын аударып келеді.
Айта кетейік, Дастан Сәтпаев Қазақстан құрамасында барлығы 5 матчқа қатысып, ойын мәнерімен жанкүйерлердің жоғары бағасына ие болып келеді.
