Depýtat Aıdarbek Hodjanazarov qyzmettik páter men kólikten nege bas tartqanyn túsindirdi

Foto: instagram.com/a1darbek?

Respublica partııasynyń tóraǵasy, Parlament Májilisiniń depýtaty Aıdarbek Hodjanazarov «Áıgerim Seıfollanyń syrlasýyna» bergen suhbatynda depýtattyq qyzmetine baılanysty beriletin páter, kólik jáne jalaqydan nelikten bas tartqanyn túsindirdi, — dep habarlaıdy Massaget.kz tilshisi.

Depýtattyń sózinshe, kólik pen baspana ózinde bar, sondyqtan oǵan memlekettik dúnıe kerek emes. Al jalaqysy qaıyrymdylyqqa jumsalady.

«Kólikke keletin bolsaq, sebebi meniń ózimniń kóligim bar. Maǵan óz kóligimmen júrgen yńǵaıly. Onda meniń zattarym jatady, úırenip qalǵanmyn. Men sondaı ádettiń adamymyn, eger maǵan birnárse unasa, ony birshama ýaqyt qoldanamyn. Al memlekettiń kóliginiń maǵan qajeti joq, meniń ózimniń júrgizýshim bar, ol óz jumysyn biledi, meni jáne minezimdi biledi. Al páterge keletin bolsaq, birneshe jylǵa bir úıge kóship, keıin ýaqyt aıaqtalǵan soń basqa úıge kóshý degen, birinshiden, otbasy úshin qıyn, ekinshiden, meniń balalarym kóp, olardyń bárine úı qaıdan tabady? Meniń óz bala-shaǵama arnalǵan úıim bar, sondyqtan memlekettik baspanany basqa bireýge bersin dedim. Úı men kólik yńǵaılylyqtyń máselesi. Oǵan qosa, úı men kólik mende bar, ony ne isteımin? Ol memlekettiń dúnıesi, jeke zatym emes. Bireýdiń úıinde turý qıyn. Al jalaqyǵa keletin bolsaq, men Ashat myrzamen burynnan tanyspyn, birge qanshama jumys istedik, jobada birge jetekshilik ettik. Men Ashat myrzaǵa meniń qaıyrymdylyq jasaıtynym týraly eshkimge aıtpańyz dep aıtyp qoıyp edim, biraq maǵan budan artyq shydaı almaıtynyn jetkizip, osy jaqynda «bizge kómektesip júrgen Aıdarbek myrza» dep aıtty. Meniń jalaqym qaıyrymdylyqqa ketedi. Bul — birinshi kezekte, men sııaqty kásipker, depýtattarǵa úlgi bolsyn deımin, ekinshi kezekte — men aqsha úshin, bylǵary kostıým úshin, kabınet úshin partııaǵa kelgen joqpyn degen belgi. Men halyqtyń aqshasyn jep jatqan joqpyn, men halyqqa tegin qyzmet jasaýǵa keldim degen nıetti kórsetý úshin. Men jalaqyny basqa da qaıyrymdylyq túrine jumsaı alamyn, biraq naqty bul is-áreketim halyqqa belgi boldy. Bul sheshimimdi halyq oń baǵalap jatyr eken, sondyqtan áli kúnge deıin muny durys qadam dep sanaımyn. Ártúrli pikir aıtylyp jatady. Kóp adam muny popýlıstik qadam dep qabyldapty, biraq jylyna jaıdan-jaı 11-12 mıllıon teńgeni laqtyrý da ońaı emes», — dedi ol.

Aıta keteıik, Aıdarbek Hodjanazarov — 1983 jyly dúnıege kelgen. Ol búginde Respublica partııasynyń tóraǵasy, Parlament Májilisiniń depýtaty, Májilistiń Agrarlyq máseleler jónindegi komıtetiniń múshesi, «Alto Logistics» JShS (burynǵy «Olzha Logistics» JShS) teń ıesi jáne «Olja Agro» kompanııalar tobynyń burynǵy bas dırektory.

«Atameken» UKP tóralqasynyń múshesi jáne Qostanaı oblysy Kásipkerler palatasy О́ńirlik keńesiniń tóraǵasy.

Qostanaı oblysy djıý-djıtsý federaııasynyń jáne grepplıng sporttyq kúres federaııasynyń (UWW) Prezıdenti, «Kókpar» federaııasynyń qurmetti prezıdenti.