Depýtat eldiń ishki saıasaty qalaý jumys isteý kerektigin aıtty

Foto: parlam.kz

Ishki saıasat eń birinshi ulttyq múddege, memlekettik saıasatqa qyzmet etýi kerek. Mundaı pikirdi BIZDIÑ ORTA podkasynda Májilis deptýtaty Ermurat Bápı bildirdi, dep habarlaıdy qandastar.kz

— Qazirgi kezde qarap otyrsaq, bizdegi ishki saıasat árbir ákimniń tikeleı murasy bolyp ketti. Ár ákimniń ishki saıasaty bar. Ishki saıasat bóliminiń bári ákimderge qyzmet etedi. Ishki saıasat eń birinshi ultqa, ulttyq múddege, memlekettik saıasatqa qyzmet etýi kerek. Odan keıin ǵana ýaqyty qalsa ákimniń anaý-mynaý is-sharasyna, baryp kel, shaýyp keline qyzmet etýi qajet. Eń bastysy bizdiń memlekettigimiz. Al memlekettiń negizgi keregesin, ýyǵyn ishki saıasat ustap turýy tıis. Osy turǵydan kelgende kópten beri suranysta bolǵan qujat (ishki saıasattaǵy sharýanyń bárin júıeleıtin birtutas tujyrymdamalyq qujat) dep esepteımin, — dedi Ermurat Bápı.

Májilis depýtaty atalǵan qujatty ázirleýge, depýtattar, memlekettik organdarmen qoǵamdyq ınstıtýttar qatysýy kerektigin aıtady.

Osy oraıda Májilis depýtaty Edil Jańbyrshın osydan biraz ýaqyt buryn ishki saıasat basqarmalaryn ózgertý kerektigi týraly Úkimet atynan depýtattyq saýal joldaǵanyn atap ótti.

— Ishki saıasat degennen ketip, Qoǵammen baılanys departamentterin qurý týraly usynys bergen edim. Estıtin memlekettiń prınıpin ary qaraı iske asyrýymyz qajet. Ishki saıasat basqarmalary aqparatpen jáne nasıhatpen aınalysady. Ekijaqty birdeı seriktestik modeli joq. Biz burynǵy qalyp qoıǵan ákimshilik-komandalyq memleket basqarýdyń elementterin áli ustanyp otyrmyz. Endi Prezıdenttiń «estıtin memleket» prınıpin alar bolsaq, onda jergilikti bılikte, mınıstrlikterde estıtin qulaq bolýy tıis. Barlyq damyǵan elde, tipti úlken korporaııalarda Qoǵammen baılanys departamenti bar. Demek, biz qoǵamdaǵy barlyq problemany súzip alyp, soǵan saı qyzmet etýimiz qajet, — dedi ol.