Depýtat qonaqasyna qatysty QMDB-ǵa usynys tastady

Foto: ınstagram

Májilis depýtaty Dáýlet Muqaev qoǵamdaǵy mańyzdy máselelerdiń biri – aqshasy joq bolsa da qonaqasyn berý saltyn qaıta qaraýdy usyndy, – dep habarlaıdy qandastar.kz

«Úıinde ólik jatqanda restoranda máz bolyp tamaq iship otyrǵan adamdardy men túsinbeımin. Qazaqta «qonaqasy» degen salt-dástúr bar. Úıde qaıtys bolǵan adam bolatyn bolsa, ol úıde tamaq pisirilip, eshqashan ot janbaıtyn. Kórshi-qolań alystan kelgen qonaqtardy ózderiniń úıine taratyp, alyp ketetin bolǵan. Sóıtip ertesinde qoıylǵannan (jer qoınaýyna tapsyrylǵannan keıin – avt.) keıin ǵana tamaq beriledi, quran oqylyp, kelýge bolatyn bolǵan», – delingen ol jarııalaǵan vıdeoda.

Depýtat bul jaǵdaıdyń marqumnyń jaqyndaryna qosymsha aýyrtpalyq túsiretinin, qarjylyq múmkindigi shekteýli otbasylardyń qaryzǵa batyp, dastarhan jaıýǵa májbúr bolatynyn atap ótti.

«О́lik shyqqan úı ıesi óz qaıǵysyn kóterýdiń ornyna qonaq kútip, dastarhan jaıýǵa májbúr bolady. Qarjylyq jaǵdaıy máz emes otbasylar qaryzǵa batsa da, dastarhan jaıýdan tartynbaıdy. Bul shynymen qajet pe?» – deıdi Dáýlet Muqaev.

Osy máseleni ol Qazaqstan musylmandary dinı basqarmasynyń qaraýyna usyndy.