Dımash Qudaıbergen jańa obrazymen kópshilikti tańǵaldyrdy

Foto: áleýmettik jeliden

Dımash Qudaıbergen kópshilikke buryn-sońdy bolmaǵan jańa beınesin usynyp, jurtty tańǵaldyrdy, dep jazdy qandastar.kz. 

Áleýmettik jelilerde ol ulttyq epos stılinde túsirilgen beınejazbasyn jarııalap, birden qoldanýshylardyń nazaryn ózine aýdardy.

Álem sahnalarynda ózin moıyndatqan óner ıesi bul joly qazaqı kıim kıip, batyr keıpinde kórinip, erekshe áser qaldyrdy. Vıdeonyń kórkemdik tujyrymdamasy – dástúr men zamanaýı elementterdiń úılesimdi toǵysy: áserli mýzyka, rýhty kórinister jáne ulttyq naqyshtaǵy kıimder kórermenge tereń áser berdi.

Beınejazbany kórgen jeli qoldanýshylary jyly pikirlerin jaýdyrdy:

«Shyn máninde qazaq rýhyn tanytqan beıne», «Dımash – naǵyz mádenı elshi», «Dástúr men jańashyldyqty sheber úılestirgen» degen sekildi pikirler kóptep jazyldy.

Atalǵan beınerolık resmı mýzykalyq klıp pe, álde kreatıvti joba ma – bul jaǵy ázirge belgisiz. Alaıda jankúıerler Dımashtan aldaǵy ýaqytta naqty aqparat kútýde.