Dombyra aqirette jaqsylyq ákelmeıdi, oǵan ruqsat joq — Dýman Mýbarov

Foto: ashyq derekkóz

Tanymal ýaǵyzshy Daryn Mýbarov “Ýaqyt kórsetedi” arnasyna bergen suhbatynda qazaqtyń yrymy, ulttyq aspaptary týraly óz pikirin aıtty, dep habarlaıdy Alash.kz ulttyq portaly.

Jýrnalıst Nurseıit Jylqyshybaı ýaǵyzshyǵa “Yrymǵa senesiz be?” degen suraq qoıdy.

“Mańdaıymyz sájdege tıgenine 30 jyldan asty. Osy ýaqyt aralyǵynda ózime qatty qoıyp alǵan qaǵıda — Allanyń sózi jáne paıǵambardyń ósıeti. Sáıkes keletinin, kelmeıtinin salystyramyn. Meniń ólshem birligim osy. Yrymǵa senbeımin dep aıtsam da bolady”,- dep jaýap berdi.

Jýrnalıstiń kelesi suraǵy: dombyra, aıtys, kúı-terme haram ba?

“Qazir zaman túımedeıdi túıedeı etetin ýaqyt. Dinniń ózine keletin bolsaq, mýzykalyq aspaptarǵa ruqsat berilmegen. Muqııat oqıtyn bolsaq, keńes úkimeti qulaǵan ýaqytta, “álem” degen kitap bar. Sol jerde Dına Nurpeıisova apamyz týraly jazylǵan áńgime bar.

Kúıine tań qalyp kúı tartyp berýin suraıdy. Dına apamyz: Moldalar aıtady ǵoı, dombyra aqirette jaqsylyq bermeıdi deıdi. Sol zamanda da oramaly túgel, ımany bar Dına Nurpeıisova da dombyranyń durys emes ekenin bildi, biraq jalǵastyra berdi. Qarapaıym halyq dombyra tartsa eshteńe bola qoımas, biraq molda adamǵa bul jaqpaıdy.

Dinı maman retinde aıta ketsem, Hanafı mazhabynda: Dombyra ruqsat etilmeıdi degen sóz bar. Qorjynnan sýyryp alǵan sóz emes, ar-jaǵynda bar sóz”, dedi Daryn Mýbarov.