Дональд Трамп сайлауда жеңіске жетті

Фото: ашық дереккөз

АҚШ-тың 47-президенті ретінде Дональд Трамп ресми түрде танылып, сайлаудың шешуші 270 дауысын иеленді, деп хабарлайды qandastar.kz

АҚШ ірі ақпарат құралдары ақпараты бойынша, Трамп Камала Харриске қарағанда дауыс жинап, президенттік орынға қайта оралуда. Дегенмен, ресми қорытындылар әлі жарияланған жоқ.

Трамп жақтастарына арнаған сөзінде Американың алдағы «алтын ғасырына» жол ашылатынын уәде етті.

«Мен сіздер үшін күн сайын күресемін. Біздің балаларымыз бен сіздер лайықты тыныш және гүлденген Американы құру үшін тынымсыз еңбек етемін. Бұл біздің жаңа алтын дәуіріміз болады», – деді ол.

Бұл сайлауда Трамп шешуші Пенсильвания, Джорджия, Солтүстік Каролина, Невада, Аризона, Мичиган және Висконсин сияқты «айнымалы» штаттарда көш бастады. Бұл штаттардағы 93 дауыс бүкіл күрестің негізгі арқауы болды.

«Бұл АҚШ тарихындағы ең ұлы саяси камбэк болды», – деп баға берді Трамптың вице-президенттікке кандидаты Джей Ди Вэнс.

Республикашылдардың басты телеарнасы Foxnews мәліметінше, Трамп 277 сайлаушы дауысына ие болса, Харрис 226 дауыс жинады. Reuters агенттігі Өкілдер палатасының спикері Майк Джонсонға сілтеме жасап, Трамптың жеңісін жариялады. CNN және NBC News деректері де Пенсильваниядағы жеңісті Трамптың еншісіне жазды, онда дауыстардың 95% өңделген нәтижесінде Трамп 50%, Харрис 48% жинаған.

АҚШ вице-президенті және Демократиялық партиядан үміткер Камала Харрисдің 23 қазанда өткен республикашыл Дональд Трамппен сайлау алдындағы кезекті дебаты өтті.

Бұған дейін Трамп егер президент пен үкімет басындағылар ауыспаса – Үшінші дүниежүзілік соғыс үш айдан кейін басталуы мүмкін деп болжаған болатын. Сондай-ақ, Трамп егер Камала Харрис сайланса  да дүниежүзілік соғыс басталады деп жұртты шошытқан еді.

Orda.kz. АҚШ экс-президентінің сайлауға қатысуына тыйым салуға әрекеттенген үш штаттың соты туралы да жазған болатын.