«Duǵa satamyn»: Tanymal bloger jurttyń jaǵasyn ustatty

«QosLike» jobasynyń burynǵy qatysýshysy Aıakóz Askarova jelidegi paraqshasynda duǵa satatynyn aıtyp, jurttyń jaǵasyn ustatty, dep habarlaıdy qandastar.kz

Skifnews.kz jazǵandaı, hıdjab kıip ketken ol adam estimegen málimdeme jasady.

«Bir kúni bir duǵany kórip, oqyp, onyń tarıhy men qudyrettiligine úńilemin ǵoı. Qaǵbany aınalyp bir kún boıy toqtamaı sony oqı beremin. Osylaısha meni kúıdirgen problema bir-aq kúnde sheshiledi. Men ol máseleni sheshý úshin qaıǵyryp júrmin. Al onyń sheshimi — bir ǵana duǵa bolyp shyqty. Qazirgi tańda kóp oqyrmanym men aıtyp júrgen duǵany aıtyp, paıdasyn kórip jatyr. Birinshi Alla men ortada sebepkermin. Dál osy duǵany biz de aıtaıyqshy degenderge dál búgin 24 saǵat satylymǵa ruqsat beremin», — deıdi ol.

Bloger ózin bul áreketi úshin aıyptaǵandarǵa jaýap bere ketti.

«Eshkim sizderde duǵany satyp alýǵa qınamaıdy. Duǵany adam aıta salmaıdy, onyń da óz tásili bar. Men duǵany jaı berip qoımaımyn. Ony qalaı aıtady, qaı ýaqytta aıtady sonyń barlyǵyn tolyqtaı túsindiremin. Rızyǵyńyzdyń kóbeıgenin, máseleden Allanyń sýyryp shyǵaryp alǵanyn qalasańyz men aıtqan duǵany siz de aıtsańyz bolady. Maǵan «Qurandaǵy tegin nárseni satatyn kimsiń» deıdi, onda Qurandy ashyńyz da oqyp alyńyz. Siz oqýǵa erinesiz de, oqyǵan adamǵa 1000 teńgeńizdi berýge qımaısyz. Artyq áńgime aıtpańyzdar», — dep túsindirdi bloger.

Jeli qoldanýshylary boıjetkenniń bul áreketine túrli pikir bildirdi.

«Neshe túrli adam bar eken-aý», Duǵa satýǵa bola ma ne», «Do togo jumys joq pa», Aýa satsaıshy», «Oı, qaıyrshy», «Rassrochka bar ma», «Qoı, deıtin eshkim joq pa», dedi olar.