Dýlat Tastekeı: “Shyǵyndardyń tabystan asýy – kedeıliktiń formýlasy”

Belgili meenat Dýlat Tastekeı qaryzǵa belshesinen batqan adamdardyń nelikten nesıege qaıta oralatynyna toqtaldy. Ol kedeılikke alyp keletin formýlalarmen bólisti.

Meenat kótergen máseleniń biri – qazaqtyń toıyna qatysty. Dýlat Tastekeıdiń aıtýynsha, kóp adam jaǵdaıy jetpese de, qaryz alyp, toı jasaýǵa qushtar.

“Qazaqtyń toıy — erekshe proess qoı. Qonaqtar konvertpen, aqshamen keledi. Eger toıdy uıymdastyrýǵa ketken qarajat keletin qarajatpen tepe-teń tússe, toı jasaýǵa bolatyn shyǵar. Al tyrashtanyp jasaǵan toı odan saıyn shyǵynǵa batyrsa, ondaı toıdy jasamaý kerek. Kórseqyzarlyqpen telefondy, gadjetti, kıimdi, tipti azyq-túlikti kredıtke alady. Nege? О́ıtkeni, óziniń qarajatyn basqa nárselerge jumsap, tutynýshylyq qaryzǵa belshesinen batady. Ondaı adamnyń nomınaldy tabysy bolǵanymen, onyń tabysy shyǵyndarynan aspaıdy”, — deıdi Dýlat Tastekeı.

Kásipker tabystyń shyǵyndardan kóp bolýy – baılyqtyń, shyǵyndardyń tabystan asýy – kedeıliktiń formýlasy ekenin aıtady.

“Eger adam óziniń shyǵynyn azaıtyp, tabysyn men biliktiligin arttyrýǵa qadam jasasa, jaǵdaıyn jaqsarta alady. Biz osyny memleket sheshetin másele retinde qarastyramyz, shyn mánisinde, bul – árbir adamnyń jeke tańdaýy. Osydan birneshe jyl buryn halyqtyń nesıelerin keshirgen sátter boldy. Al nesıesi keshirilgen adamdar, qaryzyn jaba sala, basqasyn aldy”, — dedi meenat.