Lopestiń sapary: Mádenı oqıǵa ma, saıası sıgnal ma?

Foto: ashyq derekkóz

Jýrnalıst, áskerı sarapshy Amangeldi Qurmet Qasqa Jol arnasyna bergen suhbatynda sońǵy jyldary Qazaqstanda mádenı is-sharalar belsendi túrde uıymdastyrylyp jatqanyn jáne bul úrdistiń belgili bir geosaıası faktorlarmen baılanysty ekenin aıtty. Onyń pikirinshe, Djennıfer Lopes sekildi álemdik juldyzdardyń Qazaqstanǵa kelýi kezdeısoq emes, dep jazady qandastar.kz

«2022 jyldan beri sheteldik tanymal ártister Qazaqstanǵa kele bastady. Bul – Reseı men Ýkraına arasyndaǵy soǵys jaǵdaıynyń janama áseri. Kóptegen óner adamdary soǵys júrip jatqan aımaqtarǵa barýdan bas tartyp, beıtarap ári qaýipsiz elderge bet burýda. Qazaqstan – osy baǵyttaǵy tańdaýly elderdiń biri», – dedi jýrnalıst.

Onyń aıtýynsha, bul úrdis Qazaqstannyń mádenı keńistigi men ekonomıkasyna oń áserin tıgizýde.

Sonymen qatar, suhbatta Túrkııa men Qazaqstan arasyndaǵy sońǵy ýaqyttaǵy tyǵyz qarym-qatynastar da sóz boldy. Áleýmettik jelilerde bul baılanystyń Reseımen aradaǵy qatynasqa yqpal etýi múmkin degen pikirler aıtylyp júr.

«Aqtaýdaǵy ushaq apatynan keıin Ázirbaıjan men Reseı arasynda azdaǵan túsinispeýshilik týyndaǵan tusta Qazaqstan Prezıdenti Túrkııaǵa resmı saparmen baryp, ekijaqty qorǵanys, ekonomıka jáne mádenı damý salalarynda 18 kelisimge qol qoıdy. Túrkııa Prezıdenti Rejep Taıyp Erdoǵannyń jyly qarsy alýy men eki el basshylarynyń qol ustasqan sýreti áleýmettik jelilerde túrli pikir týǵyzdy. Degenmen, bul – arandatýǵa negiz bolarlyq jaıt emes», – dedi Amangeldi Qurmet.

Ol sondaı-aq Reseı tarapynan bul máselege qatysty túrli pikirler aıtylyp jatsa da, resmı bılik salqynqandy pozıııa ustanatynyn, dıplomatııalyq qarym-qatynastyń baısaldy ekenin atap ótti.

«Reseıdiń resmı bıligi Qazaqstanmen salqyndyqqa jol bermeıdi. Bul – qalypty dıplomatııalyq proess. Túrkııamen aradaǵy kezdesý men kelissózderdi ásireleýdiń qajeti joq», – dep túıindedi jýrnalıst.