Egov qosymshasynda qazaqstandyqtarǵa ýaqytty ózgertýge qatysty birneshe suraq qoıyldy

Foto: ashyq derekkóz

Qazaqstandyqtar UTC+5, UTC+6, «Maǵan báribir» jáne «Bilmeımin» degen nusqalardyń birin tańdaı alady.

Egov mobıldi qosymshasynda qazaqstandyqtarǵa ýaqytty ózgertýge qatysty birneshe suraq qoıyldy, dep habarlaıdy qandastar.kz aqparat portaly.

Elektrondy úkimette qazaqstandyqtardan qaı saǵat beldeýi yńǵaıly ekenin anyqtaý úshin saýalnama ótip jatyr. Qazaqstandyqtar UTC+5, UTC+6, «Maǵan báribir» jáne «Bilmeımin» degen nusqalardyń birin tańdaı alady.

Sondaı-aq ýaqyt beldeýine qatysty qandaı ózgeristi qalaıtyndaryn suraıdy. «Eshteńeni ózgertpeı, bári sol kúıinde qalsyn», «Ýaqytty jyl mezgiline (jaz/qys) qaraı ózgertý kerek», «Aldyńǵy ýaqytqa oralý kerek» dep usynys bildire alady.

Sonymen qatar usynysty paıdalanýshylardan kúndizgi ýaqytta ne nársege ýaqyt jetpeıtini suralady.

Saýalnamany eGov mobıldi qosymshasynda «Habarlamalar» bóliminen taba alasyz.

Eske salsaq, 19 qarashada Úkimet otyrysynda Qazaqstandaǵy biryńǵaı ýaqyt beldeýi týraly sońǵy sheshim qabyldandy. Alaıda osydan keıin biryńǵaı ýaqyt beldeýiniń qazaqstandyqtardyń densaýlyǵyna áserin zertteý úshin 160 mıllıon teńge jumsalatyny aıtylǵan.