Жаңалықтар
Экс-президенттің денсаулығы мен жеке өмірі туралы ақпарат енді мемлекеттік құпия болады
Фото: ашық дереккөз
Нұрсұлтан Назарбаевтың денсаулығы мен жеке өмірі туралы ақпарат енді мемлекеттік құпия болады, деп жазды qandastar.kz
Мемлекеттік құпиялар тізімі тағы бір тармақпен кеңейтілмек. Енді еліміздің экс-президенттері және олардың отбасы мүшелерінің денсаулығы мен жеке өмірі туралы мәліметтер мемлекеттік құпия болып саналады. Бүгін сенаторлар «Мемлекеттік құпиялар туралы» заңға толықтыру енгізіп, оны Президенттің қарауына жіберді.
«Мемлекеттік құпиялар туралы» заңға барлаушылық, қарсы барлаушылық, жедел-іздестірушілік және өзге де қызметті мемлекеттік құпияларға жатқызудан басқа, Қазақстан президентінің және оның отбасы мүшелерінің қауіпсіздігін қамтамасыз етудің ұйымдастырылуы, күштері, құралдары мен әдістері туралы мәліметтер, Қазақстан Президентінің денсаулық жағдайы мен жеке өмірі туралы мәліметтер, Қазақстан Республикасының экс-президенттерінің және олардың отбасы мүшелері туралы ұқсас мәліметтерді енгізу бойынша толықтыру енгізіледі», — делінген Сенат комитетінің қорытынды құжатында.
